Bakı. Trend:
Macarıstanın baş naziri Viktor Orban Türkiyə prezidenti Rəcəb Tayyib Ərdoğanın andiçmə mərasimi ilə bağlı paylaşım edib.
Trend-in məlumatına görə, bu barədə Macarıstanın baş naziri öz "Twitter" səhifəsində yazıb.
"Prezident Ərdoğanı seçkidə qələbəsi münasibətilə təbrik etdim. Onun sülhməramlı mövqeyi Macarıstan üçün təzə nəfəs kimidir!", - deyə nazir bildirib.
Qeyd edək ki, Türkiyə prezidentinin andiçmə mərasimi iyunun 3-də baş tutub.
Mayın 28-də Türkiyədə keçirilən prezident seçkilərinin ikinci turunda Ərdoğan 52,14 faiz səslə qalib gəlib.