Bakı. Trend:
Braziliyanın bəzi regionlarında anomal istilər hökm sürür.
Trend xəbər verir ki, ölkənin bir çox şəhərində havanın hərarəti 44 dərəcədən yuxarı qalxıb.
Məlumata görə, noyabrın 19-da Arasuai şəhərində termometrlər müsbət 44,8 dərəcəni göstərib. Sonuncu dəfə 2005-ci ildə burada 44,7 dərəcəlik rekord istilər müşahidə edilmişdi.
Qeyd edək ki, anomal istilərə görə Braziliyanın 3 min şəhərində qırmızı təhlükə səviyyəsi elan olunub. Rio-de-Janeyroda havanın hərarəti 42,5 dərəcəyə çatıb.