Bakı. Trend:
Sakit Okean Donanmasının Hərbi Dəniz Aviasiyasının "İl-38N" sualtı əleyhinə təyyarəsinin ekipajları Yapon dənizində yaxın dəniz zonasında sualtı qayıq əleyhinə təlimlər keçirib.
Trend-in məlumatına görə, bu barədə Donmanın mətbuat xidməti bildirib.
"Saxta düşmən sualtı qayığı kimi Sakit Okean Donanmasının "Maqadan" dizel-elektrik sualtı qayığı təyin olunub", - deyə qeyd olunub.
İki "İl-38N" təyyarəsi radar və hidroakustik avadanlıqların kompleks istifadəsi ilə müəyyən bir ərazidə hərəkət edən sualtı obyektin qrup axtarışını həyata keçirdi. Aşkar edildikdən sonra anti-sualtı təyyarələrin ekipajları "düşmən" sualtı qayığını izləməyini məşq ediblər.
"Maqadan" sualtı qayığının ekipajı, öz növbəsində, təyyarələrin təqibindən yayınmaq üçün taktiki üsullardan istifadə edib.