Bakı. Trend:
Peruda 22 il əvvəl yoxa çıxan amerikalı alpinistin cəsədi tapılıb.
Trend bu barədə xarici KİV-lərə istinadən xəbər verir.
Məlumata görə, 59 yaşında olan Uilyam Stampfl 2002-ci ildə Peruda 6700 metr hündürlüyündəki Huaskaran dağına qalxmaq istəyərkən qar uçqunundan sonra yoxa çıxıb. 22 ildən sonra dağ silsiləsindəki buzlar əriyərək alpinistin qalıqlarını üzə çıxarıb.
Alpinist əşyaları arasından tapılan pasport sayəsində tanınıb.