Bakı. Trend:
Malatyanın Yeşilyurt rayonunda mülki polis maşını ilə sürücüsü məlum olmayan cip qəza törədib.
Trend yerli mediyaya istinadən xəbər verir ki, qəzada 1-i polis olmaqla 4 nəfər yaralanıb.
Qəza yerli vaxtla gecə saat 01:00 radələrində Yeşilyurt rayonunda baş verib. Alınan məlumata görə, Yeni Bahar küçəsi istiqamətindən gələn cip sürücünün idarəetməsini itirərək yol nişanına çırpılıb və daha sonra Mühacir Qaçaqmalçılığı və Sərhəd Qapıları Şöbə Müdirliyində işləyən mülki geyimli polis əməkdaşlarının olduğu mikroavtobusla toqquşub.
Hadisə yerinə polis, sağlamlıq və xilasetmə qrupları sövq edilib. Yaralılara hadisə yerində ilkin tibbi yardım göstərilib və Malatya Təhsil və Araşdırma Xəstəxanasına aparılıb. Qəza ilə bağlı araşdırmalara başlanılıb.