Bakı. Trend:
ABŞ-ın Kaliforniya ştatında 7 bal gücündə zəlzələ qeydə alınıb.
Trend xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Yeraltı təkanların episentri 12 min nəfərin yaşadığı Fortuna şəhərindən 56 km cənub-qərbdə yerləşib.
Zərərçəkənlər və dağıntılar barədə məlumat verilməyib.
ABŞ Milli Okean və Atmosfer İdarəsi zəlzələdən sonra ABŞ-ın qərb sahillərində sunami təhlükəsi elan edib. Xəbərdarlıq Şimali Kaliforniyaya, o cümlədən San-Fransisko şəhərinə, eləcə də qonşu Oreqon ştatının sahillərinə aiddir.