Bakı. Trend:
Xorvatiyanın hazırkı prezidenti Zoran Milanoviç seçki məntəqələrindən 99,48 faiz məlumatların hesablanmasından sonra prezident seçkilərinin ikinci turunda 74,66 faiz səs toplayıb.
Trend-in məlumatına görə, bu barədə Xorvatiyanın Dövlət Seçki Komissiyası bildirib.
Məlumata əsasən, 6755 seçki məntəqəsindən 6720-dən daxil olan məlumatlara əsasən, Z.Milanoviç 1 114 383 səs (74,66 faiz) toplayıb. Hakim Xorvatiya Demokratik Birlik partiyasının dəstəklədiyi müstəqil namizəd Draqan Primorats 378 172 səs (25,34 faiz) toplayıb. Seçici fəallığı 44,16 faiz təşkil edib.
Qeyd edək ki, Milanoviç ötən il dekabrın 29-da keçirilən birinci turda seçicilərin 49,09 faizinin, onun əsas rəqibi Primorak isə 19,35 faizinin dəstəyini qazanıb.