Bakı. Trend:
Fransanın mərkəzində yerləşən Brive kommunasında (Korrez departamenti) kilsəyə soxulan bıçaqlı şəxs polis tərəfindən güllələnərək zərərsizləşdirilib.
Trend xəbər verir ki, bu barədə BFMTV telekanalı məlumat yayıb.
Şübhəli şəxs oğurladığı avtomobili tərk edərək kilsəyə daxil olub. Onu təqib edən polis əməkdaşlarına bıçaqla hədə-qorxu gəlməyə başlayıb. Bu zaman hüquq-mühafizə orqanlarının əməkdaşları şübhəlinin zərərsizləşdirilməsi üçün atəş açıb. Şəxs aldığı güllə yaralarından hadisə yerində ölüb.
Hadisə ilə bağlı araşdırma aparılır. 40 yaşlı təcavüzkarın şəxsiyyəti və motivləri hüquq-mühafizə orqanları tərəfindən müəyyənləşdirilir.