Bakı. Trend:
Qətər, İsrail və Fələstinin HƏMAS hərəkatının Qəzza zolağında atəşkəs razılaşmasına qayıtması istiqamətində irəliləyiş müşahidə edir.
Trend-in məlumatına görə, bu barədə Qətərin baş naziri və xarici işlər naziri Məhəmməd bin Əbdül Rəhman Əl Tani bildirib. O, aprelin 24-də tərəflərin atəşkəs danışıqları ilə bağlı mövqelərinin yaxınlaşdırılmasında müəyyən irəliləyiş olduğunu qeyd edib.
Xarici İşlər naziri tərəflərin mövqelərini şərh edərək, HƏMAS-ın İsrailin rədd edə biləcəyi şərtlərlə məhbusların əvəzində bütün girovları azad etməyə hazır olduğunu açıqlayıb.
Nazirin sözlərinə görə, İsrail, Qəzzada müharibəni dayandırmaq perspektivi olmadan bütün girovları azad etmək istəyir.