Bakı. Trend:
ABŞ-nin “Microsoft” korporasiyası Birləşmiş Ərəb Əmirliklərində (BƏƏ) məlumatların emalı mərkəzlərinə, bulud hesablamalarına və əməkdaşlara 2029-cu ilədək 8 milyard dollar xərcləməyi planlaşdırır.
Trend xəbər verir ki, bu barədə “Bloomberg” agentliyi məlumat yayıb.
Məlumata görə, bu sərmayə BƏƏ-ni qlobal texnologiya mərkəzinə çevirmək məqsədi daşıyır. Ümumilikdə “Microsoft” 2023-cü ildən 2029-cu ilədək Körfəz ölkəsinə 15,2 milyard dollar həcmində investisiya yatırmağı planlaşdırır.
Şirkətin prezidenti Bred Smit bildirib ki, “Microsoft” 2026-cı ilin əvvəlindən 2029-cu ilədək BƏƏ-də bulud və süni intellekt infrastrukturlarının inkişafına 5,5 milyard dollardan çox vəsait ayırmağı nəzərdə tutur.