Bakı. Trend:
İranın Həmədan vilayətində hərbi təyyarə qəzaya uğrayıb.
Trend-in məlumatına görə, bu barədə "Fars" agentliyi İran Hərbi Hava Qüvvələrinə istinadən xəbər verib.
Məlumata əsasən, iki pilotdan biri həlak olub.
Vilayət qubernatorunun müavini Həmzə Əmrai qeyd edib ki, xilasetmə xidmətləri dərhal hadisə yerinə göndərilib. Hüquq-mühafizə orqanlarının əməkdaşları araşdırmalara başlayıblar.