Bakı. Trend:
Pakistan və Əfqanıstan arasında baş verən toqquşmalar nəticəsində azı 133 əfqan hərbçi həlak olub, 200-dən çoxu isə yaralanıb.
Trend xəbər verir ki, bu barədə Pakistanın informasiya naziri Attaulla Tarar X sosial şəbəkəsində məlumat verib.
Onun sözlərinə görə, Pakistan ordusu Əfqanıstan silahlı qüvvələrinə məxsus 27 blokpostu məhv edib, daha 9-u isə nəzarətə götürülüb. Həmçinin tanklar, artilleriya qurğuları və zirehli transportyorlar daxil olmaqla 80-dən çox hərbi texnika sıradan çıxarılıb.
Nazir əlavə edib ki, Kabul, Paktiya və Qəndəhar şəhərlərində əfqan taliblərinin müdafiə mövqelərinə zərbələr endirilib və itkilərin sayının daha da arta biləcəyi istisna edilmir.