Bakı. Trend:
Almaniya Kansleri Fridrix Merts partiyasının ictimai rəy sorğularının nəticələrindən məmnun deyil.
Kansler bu barədə Xristian Demokrat Birliyinin (CDU) seçki kampaniyası tədbirində çıxış edərkən bildirib.
O, üzləşdiyi tənqidlərdən şəxsən əziyyət çəkdiyini də etiraf edib.
"Əlbəttə ki, biz sorğunun nəticələrindən narazıyıq. Əlbəttə ki, mən şəxsən bu geniş yayılmış tənqiddən narahatam", - deyə o bildirib.
Mertsin populyarlığı bir müddətdir ki, rekord səviyyədə aşağı düşüb və hakim CDU/CSU bloku siyasi partiyaların reytinqində Almaniya üçün Alternativ (AfD) Partiyasından geri qalır.
