Bakı.Trend:
ABŞ Prezidenti Donald Tramp İspaniyanın ölkə hakimiyyətinin yürütdüyü siyasət səbəbindən məhv olmaq riski ilə üzləşdiyini bildirib. Onun sözlərinə görə, miqrant axını səbəbindən ölkə xarabalığa çevriləcək. Amerika lideri NATO-ya çəkilən xərclərlə bağlı da Madridi tənqid edib.
Ağ Evin rəhbəri bu barədə GBN-ə verdiyi müsahibədə danışıb.
“İspaniya məhv olmağa düçardı. İspaniya ilə bağlı problemlərim var, çünki o, NATO məsələsində özünü çox yaxşı aparmır və ödəməli olduğu qədər ödəmir”, – deyə Tramp bildirib.
Tramp ayrıca İspaniyanın Şimali Afrikada, Mərakeşlə sərhəddə yerləşən muxtar şəhəri Seuta ətrafındakı vəziyyətə də toxunub. Amerika lideri miqrantların kütləvi axınından danışaraq baş verənləri “çox kədərli mənzərə” adlandırıb.
