Bakı. Trend:
Azərbaycan millisinin futbolçusu Mahir Emrelinin çıxış etdiyi Polşanın "Rakuv" komandası Polşa çempionatında növbəti oyununu keçirib.
"Rakuv" Ekstraklassanın V turu çərçivəsində doğma divarlar arasında “Qurnik”u qəbul edib.
Meydana start heyətində çıxan Emreli görüşün 79-cu dəqiqəsində hesab 0:2 olarkən rəqib qapısına yol tapıb. Lakin azərbaycanlı futbolçunun qolu komandasını məğlubiyyətdən xilas etməyib və qonaqlar yekunda 2:1 hesablı qələbə qazanıblar.
Bu, Mahir Emrelinin “Rakuv”da rəsmi oyunlarda 6-cı qolu olub.
Qeyd edək ki, Polşa çempionatında hələ də xalı olmayan “Rakuv” sonuncu – 18-ci pillədə qərarlaşıb.
