Rusiya Gürcüstandan çıxarılan hərbi texnikasını və digər əmlakını Ermənistandakı hərbi bazalara yola salmağa hazırlaşır.
"12-ci hərbi bazanın dislokasiya olunduğu Batumidən 2006-cı ildə 6 dəmiryolu qatarı ilə texnika və digər əmlak Ermənistanın Gümri şəhərində komrlektləşdirilmiş Rusiyanın 102-ci bazasına göndəriləcək ", - quru qoşunları baş komandanının köməkçisi, polkovnik İqor Konaşenkov telefonla Batumidən "İnterfaks-AVN" agentliyinə məlumat verib.
Trend in məlumatına görə, o bildirib ki, Batumidən Gümrüyə ilk eşelon mayın 25-də yola salınacaq.
12-ci bazadakı texnika və silahların bir hissəsi Rusiyaya 2005-ci ildə dəniz yolu ilə yola salınıb. Bu barədə İnterfaks-AVN xəbər verib.