Yanvarın 17-də Tbilisidə müasir texnika ilə təchiz olunmuş "İlk baytar klinika" adlı yeni baytarlıq klinikası açılacaq. Klinikanın sahibi olan "Debyut" MMC-dən Trend in Tibilsidəki xüsusi müxbirinə verilən xəbərə görə, klinikadakı texnologiyalar və müalicə metodları yardıma ehtiyacı olan ev heyvanlarının sağalmasını təmin edəcək.
Klinika exoskopiya və qastrofibroskopiya aparatları, əməliyyat və doğuş blokları, iynə, kosmetologiya, fizioterapiya kabinetləri və diaqnostika laboratoriyaları ilə təmin olunub. Klinikada peşəkar baytarlar işləyəcək.