Azərbaycan, Bakı, 24 iyun /Trend, müxbir Hüseyn Vəliyev/
I Avropa Oyunlarına gəlmək istəməyənlər sonradan təəssüflənəcəklər ki, bu fantastik idman tədbirində olmayıblar. Bunu Trend-ə üzgüçülük üzrə Estoniya komandasının məşqiçis Oleq Labzin deyib.
Onun sözlərinə əsasən, Estoniyanın bir çox məşqçisi bu fikirdədir.
O.Labzin qeyd edib ki, Bakı Olimpiya Oyunlarını da qəbul etməyə hazırdır: "Atletlər kəndində hər şey yüksək səviyyədə təşkil edilib. Azərbaycan mətbəxinin yeməkləri çox ləzzətlidir.
Məşqçi ilk dəfə olduğu Bakı barədə fikirlərini də bölüşüb: "Biz Bakını gəzdik, İçəri şəhərdə olduq. Təəssüratlar çox yaxşıdır. Buradakı insanlar mehriban və ünsiyyətcildir. Hər şey çox xoşumuza gəldi".