Beynəlxalq Enerji Agentliyindən neftin qiymətilə bağlı PROQNOZ - Artım gözlənilir
Bakı. İlkin Şəfiyev - Trend:
Beynəlxalq Enerji Agentliyi (BEA) ilin sonuna qədər neftin qiymətində artım olacağını istisna etmir.
Trend-in məlumatına görə, bunu Azərbaycanda səfərdə olan BEA-nın icraçı direktoru Fatih Birol deyib.
Onun sözlərinə görə, bunda əsas amil neftə qlobal tələbatın artması, Venesuelada neft sənayesinin tənəzzülü və Yaxın Şərqdəki vəziyyətdir.
F.Birol deyib: "Əgər digər istehsalçılar istehsalı artırmasalar, ilin sonuna qədər qiymətdə artımın davam edəcəyini proqnozlaşdıra bilərik".
