...

Təhsil Nazirliyi valideynlərə çağırış etdi

Gündəm Materials 7 Sentyabr 2021 14:48 (UTC +04:00)
Təhsil Nazirliyi valideynlərə çağırış etdi

Bakı. Samir Əli – Trend:

Təhsil Nazirliyi orta məktəb şagirdlərinin valideynlərinə müraciət edib.

Trend-in məlumatına görə, təhsil nazirinin müşaviri Rüstəm Ağayev bildirib ki, tədris mərkəzində xüsusi nəzarət olsa da, məktəb qarşısında sıxlıq yaranır: “Valideynlərdən xahiş edirik ki, məktəblərin qarşısında sıxlıq yaratmasınlar, sosial məsafə saxlasınlar. Əgər ailə üzvlərində yoluxma varsa, uşağını məktəbə gətirməməlidir və bu barədə məktəb rəhbərliyinə məlumat verməlidirlər.

Ötən il belə bir hal olmuşdu, valideyn COVID-19-a yoluxan şagirdi məktəbə gətirmişdi. Bu cür hallara valideynlər yol verməsinlər”.

Qeyd edək ki, yeni qərara əsasən 22 sentyabr tarixindən etibarən I-IV siniflər, 29 sentyabr tarixindən isə V-XI siniflər əyani təhsilə başlayacaq. Ali təhsil müəssisələri, kolleclər və digər təhsil müəssisələri də sentyabrın 29-dan açılacaq.

Məqalədə:
Xəbər lenti

Xəbər lenti