...

İnsan alveri ilə məşğul olan qadın Bakıda məhkəmə zalında həbs edildi

Gündəm Materials 29 Sentyabr 2022 15:52 (UTC +04:00)
İnsan alveri ilə məşğul olan qadın Bakıda məhkəmə zalında həbs edildi

Trend-i buradan izləyin

Samir Əli
Samir Əli
Bütün xəbərlər

Bakı. Trend:

Bakı Ağır Cinayətlər Məhkəməsində qadınları Türkiyəyə apararaq onları cinsi istismara məruz qoyan Elnarə Zamanovanın barəsində olan cinayət işi üzrə məhkəmə prosesi başa çatıb.

Trend-in məlumatına görə, hakim Zeynal Ağayevin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə E.Zamanova 8 il 6 ay azadlıqdan məhrum edilib və o, məhkəmə zalından həbs olunub.

İttihama görə, E.Zamanova Bakıda müxtəlif ünvanlarda yaşayan iki qadına - 1987-ci il təvəllüdlü L.Q. və 1988-ci il təvəllüdlü E.K.ya xaricdə işə düzəltmək vədi verib. Bu məqsədlə onlardan birini 2013-cü ildə, digərini isə 2016-2017-ci illərdə Türkiyənin Kırşehir şəhərinə və Dubaya aparıb. Burada isə onları aldadaraq kişilərlə cinsi əlaqəyə cəlb edib.

Onun barəsində Cinayət Məcəlləsinin 144-1.2.1-ci (insan alveri, iki və ya daha çox şəxs barəsində törədildikdə) maddəsilə ittiham elan olunub.

Məqalədə:
Xəbər lenti

Xəbər lenti