Bakı. Trend:
Əxlaq polisinin ləğv edilməsi İran höküməti tərəfindən gözlənilirdi.
Trend-in məlumatına görə, bunu bu gün Güney Azərbaycan televiziyasının (GünAztv) rəhbəri Əhməd Obalı Sosial Tədqiqatlar Mərkəzinin (STM) keçirdiyi "İran yeni baxış bucağında" adlı tədbirdə deyib.
O qeyd edib ki, bu taktiki bir hərəkətdir.
“Faktiki olaraq o ləğv olunmuşdu. Sadəcə funksiyaların əxlaq polisindən alıb SEPAH-a verilməsinin etirazlara bir təsiri olmayacaq. İran çalışır ki, bəlkə bu vasitəilə etirazları azaldar, lakin bu müvəqqəti olacaq”,- deyə o əlavə edib.