Azərbaycan, Bakı, 14 oktyabr /Trend, müxbir K.Zərbalıyeva/
Bakı polisi axtarışda olan iki nəfəri saxlayıb.
Bakı şəhər Baş Polis İdarəsindən cümə günü Trend-ə verilən məlumata görə, Xəzər rayon Polis İdarəsinin (RPİ) 1-ci polis bölməsinin əməkdaşlarının keçirdiyi əməliyyat-axtarış tədbirləri nəticəsində Cinayət Məcəlləsinin 177-ci (oğurluq), 178-ci (dələduzluq) və 320-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, hazırlama, satma və ya saxta sənədlərdən istifadə etmə) maddələri ilə axtarışda olan Nahid Aslanov saxlanılıb.
Nərimanov RPİ-nin 17-ci polis bölməsinin əməkdaşlarının keçirdiyi əməliyyat-axtarış tədbirləri nəticəsində Cinayət Məcəlləsinin 228-ci (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddəsi ilə axtarışda olan Şəhriyar Axundov yaxalanıb.