Azərbaycan, Bakı, 10 mart /Trend, müxbir M.Əliyev/
Azərbaycanda ötən gün baş verən yol-nəqliyyat hadisələrində iki nəfər ölüb.
Trend-in məlumatına görə, bu barədə Daxili İşlər Nazirliyinin mətbuat xidmətindən şənbə günü bildirilib.
Martın 9-da saat 19:05 radələrində Sumqayıt şəhəri ərazisində şəhər sakini İkram Məhərrəmov "VAZ-21074" markalı avtomaşını idarə edərkən 40-45 yaşlı kişini vurub. Nəticədə həmin kişi hadisə yerində ölüb.
Beyləqan şəhəri ərazisində isə ötən gün 19:00 radələrində Ağdam rayon sakini Elbrus İbrahimov "VAZ-21099" markalı avtomaşını idarə edərkən şəhər sakini Şölə Həsənovanı vurub, nəticədə piyada hadisə yerində ölüb.
Nərimanov rayonu ərazisində müəyyən edilməmiş avtomaşınla Bakı şəhər sakini 9 yaşlı Əziz Seyidov vurulub. Xəsarət almış piyadaya xəstəxanada tibbi yardım göstərildikdən sonra buraxılıb.