Ötən gün Azərbaycanda yol qəzalarında 4 nəfər ölüb, 11-i xəsarət alıb
Azərbaycan, Bakı, 6 iyul /Trend, müxbir K.Zərbalıyeva/
Ötən gün Azərbaycanın avtomobil yollarında 10 yol qəzası qeydə alınıb.
Respublika Baş Dövlət Yol Polisi İdarəsindən Trend-ə verilən məlumata görə, qəzalarda 4 nəfər dünyasını dəyişib, 11 nəfər müxtəlif dərəcəli bədən xəsarəti alıb.
Qeydə alınan qəzalardan 5-i (3 ölüm, 6 yaralı) Bakının payına düşüb
Ötən gün ərzində ağır yol qəzaları Bakının Nizami rayonunda və Tovuzda baş verib. Bakıda maneəvurma, Tovuzda isə toqquşma nəticəsində bir nəfər ölüb, 1 nəfər xəsarət alıb.
