Azərbaycan, Bakı, 25 sentyabr /Trend, müxbir K.Zərbalıyeva/
Dövlət Sərhəd Xidməti tərəfindən dövlət sərhədinin etibarlı mühafizəsi istiqamətində həyata keçirilən məqsədyönlü tədbirlər nəticəsində sentyabrın 23-də Ağstafa rayonu ərazisindəki Ağgöl gölündə 1 ədəd rezin və 1 ədəd dəmir qayıqla dövlət sərhədini pozmuş 6 nəfər Gürcüstan vətəndaşı sərhəd pozucusu qismində saxlanılıblar.
Trend-in Dövlət Sərhəd Xidmətinin rəsmi saytına istinadən verdiyi məlumata görə, ilkin araşdırma zamanı sərhəd pozucularının Gürcüstan vətəndaşları 1962-ci il təvəllüdlü Xixityaşvili Zurab Konstantinoviç, 1954-cü il təvəllüdlü Qoqilyadze Nodar Sergeyeviç, 1976-cı il təvəllüdlü Zabiyev Valeri Kiktaroviç, 1943-cü il təvəllüdlü Arzumov Eduard Martinoviç, 1948-ci il təvəllüdlü Lexandiyan Sergey Suriyanoviç və 1948-ci il təvəllüdlü Sarkisyan Mişa Haykoviç olduğu müəyyənləşdirilib.