Azərbaycan, Bakı, 16 yanvar /Trend, müxbir İ.İzzət/
Bakıda zibildaşıyan maşın yerüstü piyada keçidinə çırpılıb. Bu barədə Trend-ə hadisənin şahidləri məlumat verib.
"Azeryolservis" ASC-dən Trend-ə məlumatı təsdiqləyiblər. Hadisə yanvarın 16-na keçən gecə paytaxtın Nobel prospektində baş verib.
Qəza nəticəsində piyada keçidinin pilləkənlərinin məhəccərlərinə, eləcə də mərmər və alkopan örtüyünün bir hissəsinə zərər dəyib.
Yol-nəqliyyat hadisəsi aidiyyəti Yol İstismar İdarəsi tərəfindən aktlaşdırılıb.
Hazırda dəymiş ziyanın məbləği müəyyənləşdirilir.