Azərbaycan, Bakı, 26 fevral /Trend, müxbir İ.İzzət/
İrandan piyada gələn Azərbaycan vətəndaşının üzərindən metamfetamin və tiryək götürülüb.
Dövlət Gömrük Komitəsinin mətbuat xidmətindən Trend-ə verilən məlumata görə, Astara Gömrük İdarəsinin sərnişin şöbəsində İran İslam Respublikasından piyada yolla Azərbaycan Respublikasına gələn Azərbaycan vətəndaşı Famil Şahverdiyevin üzərində şəxsi yoxlama aparılırb.
Yoxlama zamanı ondan 2 ədəd bükümdə, xalis çəkisi 2,405 qram olan psixotrop maddə - metamfetamin və xalis çəkisi 0,540 qram olan narkotik vasitə - tiryək aşkar olunaraq götürülüb.
Faktla bağlı araşdırma aparılır.