Azərbaycan, Bakı, 25 aprel /Trend, müxbir İ.İzzət/
Qubadlı rayon sakininin icarəyə götürdüyü mənzildə kazino-qumarxana təşkil etdiyi müəyyən olunub.
Trend Daxili İşlər Nazirliyinin mətbuat xidmətinin yaydığı məlumata istinadən xəbər verir ki, Baş Mütəşəkkil Cinayətkarlıqla Mübarizə İdarəsi əməkdaşları tərəfindən Sumqayıt şəhəri 3-cü mikrorayonda Qubadlı rayon sakini Şəmil Mikayılovun icarəyə götürdüyü mənzildə kazino-qumarxana təşkil etdiyi müəyyən edilib.
Mənzilə baxış zamanı kazino təşkili üçün 15 ədəd kompyuter dəsti, 1 ədəd modem, uduşa qoyulmuş 280 manat pul və digər əşyalar aşkar edilərək götürülüb.
Faktla əlaqədar araşdırma aparılır.