Azərbaycan, Bakı, 16 may /Trend, müxbir İ.İzzət/
Mayın 15-də respublika ərazisində baş verən yol-nəqliyyat hadisələri zamanı 8 nəfər ölüb.
Trend Daxili İşlər Nazirliyinin mətbuat xidmətinin yaydığı məlumata istinadən xəbər verir ki, respublikanın avtomobil yollarında 7 yol-nəqliyyat hadisəsi baş verib. Nəticədə 8 nəfər ölüb, 15 nəfər yaralanıb.
Ümumilikdə ötən gün respublikanın daxili işlər orqanları tərəfindən gün ərzində 60 cinayət faktı qeydə alınıb. Onların 35-i "isti izlər"lə, həmçinin ötən günlərdən bağlı qalmış 1 cinayətin üstü açılıb.
Daxili işlər orqanlarının əməkdaşları tərəfindən 30 nəfər cinayət törətdiyinə görə tutulub. Cinayət Məcəlləsinin müxtəlif maddələri ilə axtarılan 8 nəfər tutularaq istintaq orqanlarına təhvil verilib.