Azərbaycan, Bakı, 9 dekabr /Trend, müxbir İ.İzzət/
Bakıda "Mercedes" iki təkər üstə qalxaraq ağacları "biçdi".
Trend xəbər verir ki, Bakıda günorta saatlarında iki avtomobilin toqquşması ilə nəticələnən yol-nəqliyyat hadisəsi baş verib. Prospektdə yüksək sürətlə hərəkət edən "Mercedes" markalı avtomobil ötmə əməliyyatını yerinə yetirərkən özü ilə eyni istiqamətdə hərəkətdə olan "VAZ" markalı avtomobillə toqquşub. Zərbənin təsirindən yolun kənarındakı bordürə çırpılan "Mercedes" iki təkər üstə "şahə" qalxıb, daha sonra prospektin sağ və sol hissəsini ayıran yaşıllıq zolağına girərək bir neçə ağacı gövdəsindən qoparıb.
Trend həmin qəzanın videogörüntüsünü təqdim edərək bir daha sürücüləri yollarda diqqətli olmağa və yol hərəkəti qaydalarına ciddi riayət etməyə çağırır.