Azərbaycan, Bakı, 22 yanvar /Trend/
Bu gün səhər saat 10:00 radələrində Şəkidə piyadanın vurulması ilə nəticələnən yol qəzası qeydə alınıb.
Trend Kanal S-ə istinadən xəbər verir ki, hadisə zamanı Şəki sakini Şərifov Rafiq Zakir oğlu idarə etdiyi 90-BA-675 dövlət nömrə nişanlı "VAZ-2107" markalı avtomobillə 2002-ci il təvəllüdlü Şəki sakini Fuadlı Fuad Samir oğlunu vurub.
Xəsarət alan şəxs dərhal xəstəxanaya yerləşdirilib.
Polisdən verilən məlumata əsasən, qəzaya uşağın qəfildən avtomobilin qarşısına çıxması səbəb olub. Faktla əlaqədar Şəki Şəhər-Rayon Polis Şöbəsində araşdırmalar aparılır.