Azərbaycan, Bakı, 27 mart /Trend, müxbir İ.İzzət/
Bakıda avtomobil oğurlamış dəstə yaxalanıb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, martın 25-nə keçən gecə Lökbatan qəsəbəsində yaşayan Şəadət Əsgərova məxsus "VAZ-2106" markalı avtomobil qaçırılıb.
Qaradağ Rayon Polis İdarəsi Cinayət-Axtarış Şöbəsi və 10-cu Polis Bölməsi əməkdaşlarının keçirdiyi əməliyyat tədbirləri nəticəsində, avtomobili qaçıran Bakı şəhər sakinləri Məmməd Əzimov, Nadir Dadaşov və Kərim Məcidov tutulublar. Avtomobil martın 26-da Əmircan qəsəbəsi Cəfər Cabbarlı küçəsində saz vəziyyətdə tapılıb.