İlk xəbər 9:20-də yayılıb
Azərbaycan, Bakı, 3 noyabr /Trend, müxbir Elçin Mehdiyev/
Bakı şəhəri ərazisində intensiv yağışın yağması ilə əlaqədar fərdi yaşayış evlərinə su dolub.
Fövqəladə Hallar Nazirliyindən Trend-ə bildiriblər ki, hadisə ilə əlaqədar olaraq Nərimanov rayonu ərazisində evdən çıxması çətinləşmiş 5 nəfərə müvafiq köməklik göstərilib.
Həmçinin Binəqədi rayonu ərazisində evdən çıxması çətinləşmiş 2 nəfərə müvafiq köməklik göstərilib.
Daha sonra yağan intensiv yağışlar nəticəsində Bakı şəhəri, Sabunçu rayonu ərazisində 5 nəfər fərdi yaşayış evində köməksiz vəziyyətdə qalıb. Fövqəladə Hallar Nazirliyinin xilasediciləri xüsusi texnika vasitəsi ilə vətəndaşları su basmış ərazidən təxliyyə ediblər.