Avqustun 3-də Rusiya Federasiyasının hüquq mühafizə orqanları tərəfindən axtarışda olan şəxs Bakıda həbs edilib. Bu barədə Trend ə Nəsimi rayon Polis İdarəsinin növbətçi hissəsindən məlumat verilib.
1969-cu il təvəllüdlü İlham Muxtar oğlu Həsənov Nəsimi RPİ-nin əməkdaşları tərəfindən saxlanılarkən məlum olub ki, onun barəsində Moskva şəhərinin cənub-şərq dairəsinin daxili işlər idarəsi tərəfindən RF Cinayət Məcəlləsinin 327-ci maddəsi ilə cinayət işi başalnıb və axtarış elan olunub. İ.Həsənov rəsmi sənədlərin saxtalaşdırılmasında təqsirli bilinir.
Yaxın günlərdə onun Moskva şəhərinə ekstradisiyası gözlənilir.