Azərbaycan, Bakı, 28 iyun /Trend/
ABŞ şirkəti quruda və suda hərəkət etmək qabiliyyətinə malik avtomobil istehsal edib.
Trend-in Türkiyə KİV-ə istinadən verdiyi məlumata görə, dənizdə səyahət etmək üçün "Panther" adı verilən avtomobil cəmi 15 saniyə ərzində motorlu qayığa çevrilir. Bu əməliyyatı isə sükan arxasındaca etmək mümkündür.
Qeyri-adi avtomobil 3,6 litrlik V6 motora malikdir. "Panther" avtomobilinin hazırlanmasına 14 il vaxt sərf edilib.
Sığorta şirkətləri "Panther"i həm avtomobil, həm də motorlu qayıq kimi sığortalayır.