Azərbaycan, Bakı, 12 iyul /Trend, müxbir E.Tanrıverdiyev/
Meksikada keçirilən regional seçkilərdə Morris ləqəbli pişik seçiçilərin təxminən 600-nün "səsini" qazanıb. Bu barədə Trend "Animal Politico" saytına istinadən xəbər verir.
Pişiyə Verakrus, Pueblo, Sakatekas, Aquaskalentes, Kintana-Roo, Koauilo və Aşağı Kaliforniya ştatlarından səs veriblər.
Seçicilər Morris ləqəbəni meriya və qubernatorluqlarda qeydiyyatdan keçməyən namizədlər üçün xüsusi olaraq ayrılmış qrafaya yazıblar.
Pişik özü isə, Verakrus ştatının Halapa şəhərindən "namizədliyini" irəli sürüb. Onun sahibi Morrisin namizədliyini irəli sürüb, öz pişiyi üçün "Facebook" və "Twitter" sosial şəbəkələrində səhifələr yaradıb.
Halape şəhərində doğulan namizəd Morrisin sahibi yazıb ki, pişik yatmağı, yeməyi və oynamağı xoşlayır. Onun seçkiqabağı kampaniyası bir neçə ay bundan əvvəl başlayıb. Onun "seçkiqabağı proqramın"da bildirilirdi ki, o öz doğma şəhərini siçovullardan (rüşvətxorlardan) təmizləmək niyyətindədir.