Azərbaycan, Bakı, 21 iyul/ Trend , müxbir R.Novruzov/ Avqustun əvvəlində Moskvada Azərbaycan və Ermənistan XİN rəhbərləri arasında danışıqlar üçün əsas, iki ölkə prezidentlərinin iyunda Sankt-Peterburqda təklif etdikləri Dağlıq Qarabağ münaqişəsinin nizamlanması üzərində iş olacaq.
"Azərbaycan və Ermənistan XİN rəhbərlərinin qarşıdakı Moskva danışıqları iki ölkə prezidentlərinin Sankt-Peterburqda görüşdə təklif etdikləri yeni işin başlanğıcıdır", - ATƏT-in Minsk Qrupunun Fransadan olan həmsədri Bernard Fasye Trend -a bildirib.
İyunun 9-da XI beynəlxalq iqtisadi forumda iştirak çərçivəsində Azərbaycan və Ermənistan prezidentlərinin görüşü keçirilib. Bu, Azərbaycan prezidenti İlham Əliyevin Ermənistanın yeni prezidenti Serj Sarkisyanla birinci görüşü olub.
"Dağlıq Qarabağ münaqişəsinin dinc nizamlanması üzrə danışıqlar Madrid təkliflərinin əsasında aparılacaq", - Fasye bildirib.
2007-ci ilin noyabrında ATƏT-in Minsk Qrupunun həmsədrləri Madriddə Qarabağ münaqişəsinin nizamlanması üzrə baza prinsiplərini nəzərdən keçirmək üçün Ermənistan və Azərbaycan prezidentlərinə təqdim ediblər. Həmsədrlər "Madrid təklifləri"ni ədalətli və balanslaşdırılmış hesab edirlər.
Fransadan olan vasitəçi iki ölkə XİN rəhbərlərinin görüşünün Azərbaycan və Ermənistan prezidentləri arasında danışıqların davamı olacağına ümid etdiyini bildirib.
İki Cənubi Qafqaz ölkəsiarasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Dağlıq Qarabağ və ona bitişik yeddi rayon - Azərbaycan ərazisinin 20 faizi Ermənistan Silahlı Qüvvələrinin işğalı altındadır. 1994-cü ilin mayında tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə hələ ki nəticəsiz sülh danışıqları aparılır.
Müəlliflə əlaqə saxlamaq üçün elektron ünvan: [email protected]
