Azərbaycan, Bakı, 10 dekabr / Trend , müxbir E.Tariverdiyeva/
2009-cu ildə Azərbaycan və Ermənistan prezidentləri İlham Əliyev və Serj Sarkisyan altı dəfə görüşüblər və Rusiya bu dinamikanın davam edəcəyinə ümid edir. Bu barədə RF XİN-in rəsmi nümayəndəsi Andrey Nesterenko Moskvada brifinqdə deyib. Məlumatı Vesti kanalı yayıb
Onun sözlərinə görə, qərar baza prinsipləri əsasında qəbul edilməlidir
Nesterenkonun sözlərinə görə, Azərbaycan ATƏT-in Minsk qrupunun işindən razıdır.
"Rusiya Azərbaycandan ATƏT-in Minsk qrupunun işindən narazılıq barədə siqnal almayıb", - Nesterenko deyib.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.