...

Roland Kobia: Aİ gələn il Dağlıq Qarabağ münaqişəsinin sülh yolu ilə tənzimlənməsi prosesində öz səylərini artıracaq

Ermənistan-Azərbaycan münaqişəsi Materials 15 Dekabr 2011 12:44 (UTC +04:00)
Avropa İttifaqı gələn il Dağlıq Qarabağ münaqişəsinin sülh yolu ilə tənzimlənməsi prosesində öz səylərini artıracaq.
Roland Kobia: Aİ gələn il Dağlıq Qarabağ münaqişəsinin sülh yolu ilə tənzimlənməsi prosesində öz səylərini artıracaq

Trend-i buradan izləyin

Azərbaycan, Bakı, 15 dekabr /Trend, müxbir E.Mehdiyev/

Avropa İttifaqı gələn il Dağlıq Qarabağ münaqişəsinin sülh yolu ilə tənzimlənməsi prosesində öz səylərini artıracaq. Trend-in məlumatına görə, bunu jurnalistlərə açıqlamasında Avropa İttifaqının Azərbaycandakı nümayəndəliyinin rəhbəri, səfir Roland Kobia deyib.

Kobia bildirib ki, 2011-ci il Dağlıq Qarabağ münaqişəsinin nizamlanması prosesi baxımından Aİ üçün mühüm bir il olub.

"Həmçinin bu il Aİ-nin Dağlıq Qarabağ münaqişəsinə daha sıx cəlb olunmasına dair çoxsaylı çağırışlar səslənib. Bu, Filipp Lefortun Aİ-nin Cənubi Qafqaz regionunda xüsusi təmsilçisi təyin edilməsi ilə reallaşdırılıb", - Kobia qeyd edib.

Onun sözlərinə görə, bu, Aİ-nin xarici məsələlər və təhlükəsizlik siyasəti üzrə ali nümayəndəsi Ketrin Eşton tərəfindən təşkilatın Dağlıq Qarabağ münaqişəsinin nizamlanmasında maraqlı olduğunu sübuta yetirən dəqiq və güclü mesajdır.

"Azərbaycana səfəri zamanı Eşton Dağlıq Qarabağ münaqişəsinin sülh yolu ilə tez bir zamanda həll olunmasına kömək etmək arzusunu bir daha bəyan etdi", - Kobia bildirib.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.

BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.

Xəbər lenti

Xəbər lenti