Azərbaycan, Bakı / Trend , müxbir S.İlhamqızı/ QHT-lərə dövlət yardımı ilə bağlı yaradılacaq dövlət qurumu Şura adlanacaq. Bu barədə çərşənbə günü jurnalistlərə Prezident Aparatı ictimai-siyasi şöbənin müdiri Əli Həsənov açıqlama verib.
Azərbaycan prezidenti İham Əliyev QHT-lərə dövlət yardımını nəzərdə tutan Konsepsiya imzalayıb.
Bir sıra qeyri-hökumət təşkilatları QHT-lərlə iş üzrə Dövlət Komitəsinin yaradılmasını təklif edirlər.
Əli Həsənov bildirib ki, konsepsiyada Dövlət Komitəsinin yaradılmasından söhbət getmir: "Dövlət qurumunun yaradılması ilə bağlı, əsasən, Şura üzərində dayanılıb. QHT-ləri maliyyələşdirmək üçün fondun yaradılması, qrantların paylanması mexanizmləri ilə bağlı yerli və beynəlxalq təşkilatların təkliflərini ümumiləşdirərək ,noyabrın 29-dək dövlət başçısına təqdim edəcəyik"-deyə Həsənov bildirib.