Azərbaycan, Gəncə, 13 mart / Trend ", müxbir V.Məmmədov/ Gəncə şəhərində oğurluq cinayətləri törədən dəstə saxlanılıb. Gəncə şəhər Polis İdarəsinin müstəntiqi Faiq Mahmudov cümə axşamı jurnalistlərə bildirib ki, martın 12-si polisin keçirdiyi əməliyyat-axtarış tədbirləri nəticəsində iki nəfər şəhər sakini - 1977-ci il təvəlüdlü Xəyal Adil oğlu Talıbov və 1973-cü il təvəllüdlü Yaşar Abbas oğlu Abbasov şübhəli şəxs qismində saxlanılıb.
Saxlanılan şəxslərin məişət mallarının alqı-satqısı ilə məşğul olan Fuad Xudiyevin əlindən satdığı əşyaları aldığı və keçən ilin sonunda Talıbovun bibisi qızı Vəfa Babayevanın çantasından ona məxsus evin açarlarını götürərək evindən 2400 dollar dəyrində qızıl zinnət əşyalarını oğurladığı müəyyənləşib.
Faktla bağlı Cinayət Məcəlləsinin qabaqcadan əlbir olaraq soyğunçuluq törətmək (180.2.1) maddəsi ilə cinayət işi açılıb.
Gəncə paytaxt Bakıdan 365 kilometr qərbdə yerləşir.
