Azərbaycan, Bakı, 12 iyun / Trend , müxbir A.Bədəlova / İyunun 11-də CIF liman Augusta şərtləri ilə Azərbaycanın yüngül neftinin qiyməti 137,39/barr. təşkil edib. 1997-ci ildən yüngül neft hasil edən Azərbaycan Dövlət Neft Şirkətindən cümə axşamı verilən məlumata görə çərşənbə günü neftin qiyməti çərşənbə axşamına nisbətən $0,57/barr. azalıb.
Azeri Light neft növü Azərbaycanın "Azəri-Çıraq-Günəşli" yatağından çıxarılır. Neft digər növlərlə qarışdırılmadan Bakı-Tbilisi-Ceyhan (BTC) boru kəməri ilə Türkiyənin Ceyhan limanına, dəmir yolu ilə Gürcüstanın Batumi limanlarına çatdırılır.
ARDNŞ-dən bildiriblər ki, FOB Türkiyənin Ceyhan limanı şərtlərilə Azərbaycanın yüngül neftinin qiyməti iyunun 11-də $135,67/barr. təşkil edib ki, bu da əvvəlki qiymətdən $0,33/barr. azdır.
Azərbaycan neftin URAL növünü də Novorossiysk limanından satır. Buraya xammal Bakı-Novorossiysk boru kəməri ilə çatdırılır. Keyfiyyətli Azərbaycan nefti Rusiyanın boru kəmərləri şəbəkəsində digər növlərlə qarışdırılır və Novorossiysk limanında URAL adı ilə satılır. Bu növ spesifikasiyasına görə, Azərbaycan neftindən keyfiyyət və qiymətcə aşağıdır.
Novorossiysk limanından yüklənən URALS neftinin qiyməti iyunun 11-də $127,13/barr. təşkil edib və bu əvvəlki qiymətdən $0,85/barr. azdır.
. Şimal dənizindən hasil edilən Brent Dated etalon növlü neftlə analoji vəziyyət müşahidə olunur. İyunun 11-də Brent Dated neftinin 1 barelinin qiyməti $134,23/barr. təşkil edib , bu da əvvəlki qiymətdən $0,98/barr. azdır.
