Azərbaycan, Bakı, 01 iyul/ Trend , müxbir E.Babayev / Azərbaycanın iqtidaryönlü partiyalarının təmsil olunduğu Məşvərət Məclisinin prezident seçkisi ilə bağlı fəaliyyət proqramı hazırlanır. "Proqram seçkidə daha səmərəli fəaliyyəti nəzərdə tutur", - deyə çərşənbə axşamı Trend -a Məşvərət Məclisinin üzvü, Demokratik Azərbaycan Dünyası Partiyasının sədri Məmməd Əlizadə bildirib.
Trend -un arayışı: Məşvərət MəclisindəYeni Azərbaycan, Ana Vətən, Sosial Rifah, Demokratik Maarifçilik, Respublikaçılar, Demokratik Azərbaycan Dünyası, Milli Dövlətçilik və Azərbaycan Naminə Alyans partiyaları təmsil olunurlar. Quruma hazırda hakim Yeni Azərbaycan Partiyası sədrlik edir.
Əlizadə qeyd edib ki, proqramda iqtidaryönlü partiyaların işinin birgə qurulması, seçki ilə bağlı ayrı-ayrı aksiyaların birgə təşkili nəzərdə tutulur. "Bizim fəaliyyətimiz seçki zamanı aktivləşəcək və hazrıki dövlət başçısı, cənab İlham Əliyevin namizədliyinin müdafiəsi üçün bütün gücümüzü səfərbər edəcəyik", - deyə o əlavə edib.
Demokratik Azərbaycan Dünyası Əlizadə tərəfindən yaradılıb. Yarandığı gündən partiyaya Əlizadə rəhbərlik edir.
Məqalə müəllifi ilə əlaqə ünvanı: [email protected]