Azərbaycan, Bakı, 06 oktyabr/ Trend , müxbir R.Novruzov/ Avropa Şurası Azərbaycanın kütləvi informasiya vasitələrinin (KİV) seçkiqabağı vəziyyəti işıqlandırmaları prosesindən razı deyil.
AŞ-nin eksperti David Vard Azərbaycan KİV-in seçkiqabağı prosesdə passiv olduğunu qeyd edir.
Azərbaycanda prezident seçkiləri oktyabrın 15-də keçiriləcək.
"Azərbaycan KİV-i prezident seçkiləri ərəfəsində seçkiqabağı proseslərin işıqlandırılmasında aşkar passivlik göstərirlər", - AŞ-nin eksperti bazar ertəsi Bakıda mətbuat konfransında bildirib.
"Avropa Şurası ekspertlərinin sentyabr ərzində apardıqları KİV-in monitorinqi buna dəlalət edir", - Vard bildirib.
"AŞ-nin monitorinqi aşkar edib ki, Azərbaycanın telekanalları arasında seçkiləri ANS və İctimai Televiziya (İTV) daha tam şəkildə işıqlandırır. AZ TV və LİDER, qalan telekanallar seçkiləri ya az həcmdə işıqlandırır, ya da birtərəfli informasiya verirlər", - ekspert bildirib.
Vardın sözlərinə görə, hökumət qəzetləri yalnız hakim partiyadan olan namizədin kampaniyasının işıqlandırılması ilə məşğuldur, müxalifət qəzetləri isə seçkiləri işıqlandırmaqdan çox, hökuməti tənqid edir. Monitorinq aşkar edib ki, müstəqil qəzetlər seçkiləri daha fəal işıqlandırır.
"AŞ-nin ekspertləri xəbər agentliklərinin monitorinqini aparmayıblar, belə ki, telekanal və qəzetlərin auditoriyasının daha geniş olduğunu hesab edirlər", - Vard bildirib.
Prezident seçkisində yeddi namizəd - Yeni Azərbaycan Partiyasının (YAP) sədri, hazırki dövlət başçısı İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu, Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edəcək.
Müəlliflə əlaqə saxlamaq üçün elektron ünvan: [email protected]