Azərbaycan, Bakı, 20 noyabr/ Trend , müxbir R.Novruzov/ Azərbaycan və İsveçrə yeni əməkdaşlıq səviyyəsinə keçmək niyyətindədirlər.
Azərbaycanın xarici işlər naziri Elmar Məmmədyarov bu ölkəyə səfəri zamanı Berndə İsveçrə rəhbərliyi ilə əməkdaşlıq perspektivlərini müzakirə edib. Məmmədyarov İsveçrə Konfederasiyasının prezidenti Paskal Kuşpenlə, parlamentin sədri Andre Bunyonla və xarici işlər naziri Mişlin Kalmi-Reylə görüşlər keçirib, - Azərbaycanın İsveçrədəki səfirliyindən cümə axşamı Trend -a bildiriblər.
Danışıqlar zamanı siyasi, iqtisadi, mədəni və parlament sahələrində ikitərəfli münasibətlərin hazırki vəziyyəti müzakirə edilib. Görüşlərdə qarşılıqlı faydalı əməkdaşlığın həm ikitərəfli, həm də çoxtərəfli formatlarda gələcək inkişafı üçün mövcud potensial vurğulanıb.
İsveçrə enerji sahəsində Azərbaycanla əməkdaşlığı genişləndirmək niyyətindədir, - İsveçrənin xarici işlər naziri Mişlin Kalmi Rey azərbaycanlı həmkarı ilə görüşdə bildirib.
Müəlliflə əlaqə saxlamaq üçün elektron ünvan: [email protected]
