...

Həririnin qətlinin təhqiqatında Beyrutun iştirakı ikinci dərəcəli deyil - Livan üzrə xüsusi tribunalın rəsmi nümayəndəsi

Siyasət Materials 24 Fevral 2009 18:13 (UTC +04:00)

Trend-i buradan izləyin

Azərbaycan, Bakı, 24 fevral / Trend , müxbir Ü.Sadıxova / "Livanın sabiq baş naziri Rafiq Həririnin qətlinin təhqiqatında Livan rəhbərliyi, Kanadanın Baş prokurorunun sabiq müavini Daniel Belmarın başçılıq etdiyi Livan üzrə xüsusi tribunalın əsas köməkçiləri olaraq qalacaqlar", - BMT nəzdində beynəlxalq təhqiqat komissiyasının mətbuat katibi Radiya Aşuri deyib.

BMT yanında Livan üzrə tribunal 2005-ci il fevralın 14-də avtomobil partlayışı zamanı həlak olmuş baş nazir Rafiq Həririnin qətlinin təşkilatçılarını tapmaq məqsədi güdən işə martın 1-də başlayacaq.

Tribunal BMT yanında Livanın daxili siyasət problemini təhqiq edən birinci orqan olacaq.

Həriri Livanın son 10 ildə öldürülən 6-cı yüksək vəzifəli məmurlarından biridir.

Suriya rəhbərliyi Həririnin ölümündə əsas şübhəli tərəf olaraq qalır. Çünki sabiq baş nazir Suriyanın Livanın daxili işlərinə qatışmasına və Suriya ordusunun ölkədəki məskunlaşmasına qarşı çıxış edirdi.

Əvvəllər qətlin təhqiqatı ilə Serj Brammerts - Beynəlxalq tribunalın sabiq Yuqoslaviya üzrə hazırkı prokurorunun başçılıq etdiyi beynəlxalq müstəqil komissiya məşğul olurdu.

"Ancaq martda başlayacaq təhiqaqata Belmar başçılıq edəcək. Livan rəsmiləri isə ona BMT TŞ-nin 1595-ci qətnaməsinə uyğun olaraq əlavə kömək edəcəklər", - Trend -a  elektron poçtla Aşuri, Belmarın mətbuat katibi deyib.

"Əvvəlcə (BMT yanında) beynəlxalq komissiyanın əsas məqsədi Livan rəhbərliyinə günahakarı tribunala qədər tapmağa kömək etmək idi", - Aşuri bildirib.

Ancaq Aşurinin sözlərinə görə, 2007-ci ildə Livan rəhbərliyinin tələbi ilə Livan üzrə tibunala iki səlahiyyət verildi: Həriri və Livandakı analoji qətllərin müstəqil təhqiqatına rəhbərliyi ələ almaq və ittiham irəli sürmək.

Məqalə müəllifi ilə əlaqə ünvanı: [email protected]

Xəbər lenti

Xəbər lenti