Azərbaycan, Bakı, 28 avqust / Trend , müxbir A.Hüseynbala /
Azərbaycan Parlamentinin payız sessiyası üçün nəzərdə tutulan qanun layihələri Milli Məclis rəhbərliyinin komitə sədrləri ilə birgə iclasında müzakirə olunacaq.
"Həmin iclasda hər bir komitənin payız sessiyasında müzakirəyə təqdim edəcəyi qanun layihələrinin, digər sənədlərin siyahısı dəqiqləşdirləcək", - cümə günü Trend -a Milli Məclisin İnsan hüquqları komitəsinin sədri Rəbiyyət Aslanova bildirib.
Aslanovanın sözlərinə görə, onun rəhbərlik etdiyi komitə də növbəti sessiyada müzakirəyə bir neçə yeni qanun layihəsi, əvvəl qəbul olunan qanunlara əlavə və dəyişiklilər təqdim etmək niyyətindədir. "Amma Milli Məclisin rəhbərliyi ilə konkret müzakirə etmədən həmin sənədlərin adlarını indi açıqlamağı məqsəduyğun hesab etmirəm", - millət vəkili əlavə edib.
Milli Məclisin payız sessiyasının sentyabr ayının sonlarında, oktyabrın əvvəllərində başlaması nəzərdə tutulur.
Məqalə müəllifi ilə əlaqə ünvanı: [email protected]
