Azərbaycan Prezidenti İlham Əliyev "Təhsil haqqında" qanunun təsdiq edilməsi barədə fərman imzalayıb. Məlumatı bazar ertəsi AzərTAc Dövlət İnformasiya Agentliyi yayıb.
Fərmana əsasən, Nazirlər Kabinetinə üç ay ərzində qüvvədə olan qanunvericilik aktlarının "Təhsil haqqında" qanuna uyğunlaşdırılması, həmin qanunda nəzərdə tutulmuş vəzifələrlə bağlı müvafiq dövlət orqanlarının əsasnamələrinə əlavələrin edilməsi barədə təkliflərini hazırlayıb Azərbaycan Prezidentinə təqdim etmək tapşırılıb.
"Təhsil haqqında" qanun Milli Məclisin yaz sessiyasında qəbul olunub.