...

Sudan Prezidenti Ankaranın xahişi ilə Türkiyə səfərini təxirə salıb - türkiyəli ekspert

Siyasət Materials 9 Noyabr 2009 16:11 (UTC +04:00)
Türkiyəli müstəqil analitik Sudan Prezidenti Ömər əl-Bəşirin Türkiyədə keçirilən İslam Konfransı Təşkilatının İqtisadi və Ticari Əməkdaşlıq Daimi Komitəsinin toplantısına rəsmi Ankaranın istəyi ilə qatılmadığını hesab edir.
Sudan Prezidenti Ankaranın xahişi ilə Türkiyə səfərini təxirə salıb - türkiyəli ekspert

Trend-i buradan izləyin

Azərbaycan, Bakı, 09 noyabr / Trend , müxbir R.Hafizoğlu/

Türkiyəli müstəqil analitik Sudan Prezidenti Ömər əl-Bəşirin Türkiyədə keçirilən İslam Konfransı Təşkilatının (İKT) İqtisadi və Ticari Əməkdaşlıq Daimi Komitəsinin (İSEDAK) toplantısına rəsmi Ankaranın istəyi ilə qatılmadığını hesab edir.

"Sudan Prezidenti Ankaranın xahişi ilə Türkiyə səfərini təxirə salıb", - deyə bazar ertəsi Mustafa Özcan Ankaradan telefonla Trend -a bildirib.

Trend -un arayışı: Bu gün Türkiyədə İslam Konfransı Təşkilatının İqtisadi və Ticari Əməkdaşlıq Daimi Komitəsinin toplantısı keçirilir. Toplantıda bir sıra ölkələrin dövlət rəhbərləri də iştirak edir. İclasa Ömər əl-Bəşirin qatılacağı gözlənilsə də, Sudan Prezidenti ölkədə meydana gələn bəzi problemlərə görə toplantıya gəlməyib.

Sudanın cənubundakı Dar Fur vilayətində yerli qiyamçılarla hökumət qüvvələri arasında meydana gələn silahlı toqquşma zamanı 300 mindən çox adamı qətlə yetirməkdə ittiham edilən Sudan Prezidentinin İstanbuldakı İslam Konfransı Təşkilatının İqtisadi və Ticari Əməkdaşlıq Daimi Komitəsinin toplantısına dəvət edilməsi Avropa ölkələrinin ciddi narazılığına səbəb olub. Ömər əl-Bəşirin Dar Furda törədilən cinayətlərə görə ittiham edilərək beynəlxalq məhkəmə tərəfindən həbsinə qərar verilib.

Türkiyənin Baş naziri Rəcəb Tayyib Ərdoğan Sudan Prezidentinin Türkiyə səfərinə münasibət bildirərək, bu səfərin İKT çərçivəsində olduğunu və əl-Bəşirin ölkə ərazisinə girişinə heç bir maneə olmadığını bildirib. Bununla yanaşı, Baş nazir Dar Furda baş verən hadisələri araşdırdığını və bu hadisələrin soyqırım olmadığını bildirib.

Özcan onu da bildirib ki, Sudan Prezidenti barədə həbs qərarının olmasına baxmayaq, ölkə başçısı rahat şəkildə Afrika ölkələri daxilində hərəkət edir. Onun sözlərinə görə, Ankara Avropa ölkələrinin təzyiqi qarşısında davam gətirməyərək onların tələbini yerinə yetirdi.

Xəbər lenti

Xəbər lenti